Dantzaklub

Inprobisazioa lantzen ohituta, DANTZAZ Konpainiako artistak berez bilakatzen dira sortzaile. Haien irudimena bete-betean adierazteko modua izan dezaten, urtean ikusleei irekitako hiru hitzordu jartzea erabaki dugu DONOSTIA KULTURArekin lankidetzan. Donostiako Victoria Eugenia Antzokiko “CLUB” aretoan antolatutako saio horiek gure dantzariek egokierarako bereziki sortutako lanak proposatzen dituzte, baita Euskal Herriko koreografo gazteen lanak ere.